Homemade Mayonnaise

Seker een van die lekkerste lekkers is daardie gevoel van iets regkry, iets self maak, iets tuismaak......veral as die eind produk iets is wat gewoonlik op jou "shopping list" is.

So is tuisgemaakte mayonnaise dan vir my.....dit gee daardie gevoel!

Verder lees ek mos nie storie boeke nie, ek lees resepte boeke! En so het ek dan ook al baie mayonnaise resepte raak gelees en almal verskillend maar basies dieselfde....party vra vir heel eiers, ander vir n bietjie droe mosterd of suurlemoen sap.

Myne loop soos volg met net een goue reel....moet nooit ooit eiers uit die yskas wat yskoud is gebruik nie, die mengsel sal nie dik word en emulsifiseer nie, dus gebruik eiers teen kamer temperatuur

Jy het nodig:

2 eiergele
300ml sonneblom of canola olie
n lekker rapsie sout
n draai of twee varsgemaalde swart pepper
3-4 vet knoffel huisies, ekstra fyn gekap of met die knoffel drukker fyn gedruk
20-30ml wit druiwe asyn


Gooi dan al die bestanddele behalwe die olie en asyn in n lekker groterige glas mengbak of beker. En dan sommer met n elektriese handklitser woel jy die spulletjie deurmekaar. Ek hou van prakties wees en dinge vir myself makliker maak, so ek het een van daai tamatie sous squeezy bottels gekoop, maar die deurskynende een met n dun tuit, sommer by Plastics for Africa en in hierdie bottel gooi ek dan die 300 ml olie.

Met die klitser op redelike vinnige spoed in die een hand en die bottel olie in die ander hand, begin dan druppels gewys die olie by die eiermengsel voeg. Jy sal sien dit kry n ligter geel kleur en raak effe dik. Stop die klitser om seker te maak jy is op die regte pad is. Hou so aan tot omtrent n derde van die olie ingemeng is, daarna kan jy die olie in n dun straaltjie by meng.

Die mengsel sal al hoe ligter van kleur raak en dik en amper klonterig wees. As al die olie bygevoeg is, gooi dan die asyn by en die mengsel sal dadelik mooi glad en blink raak. Proe vir nog bietjie sout, peper of asyn en dit moet sommer erg geknoffel wees.

Dit is dan klaar en daai gevoel in my wil uit borrel en oop bars, veral as ek dit dan nog in n mooi glas flessie skep en my handewerk so staan en bekyk.

Hierdie mayonnaise is heerlik saam met huis gebakte "tjips" en onverbeterlik gemeng met saggekookte eiers vir " egg mayo sandwiches".......my bek water!

"Mamma vleisie he 'blief"

Wat is dan nou beter om n hele klompie handgemaakte en ongebakte "pies" in die vrieskas te he vir daardie tye wat daar gou iets gemaak moet word om honger magies te vul en die tyd maar min is........veral as Ilan se: "mamma vleisie he 'blief"

Bevoorreg is ons dan beslis ook vir die gereelde ontvang van n vraggie wildsvleis van die plaas af, soms self so gelukkig dat dit reeds van die been afgekook is of ander kere kook ek dit self tot groot genot van Johan wat elke beentjie skoon lek.......Dankie Frankie

Tussen Frankie en my ma het hulle twee dan ook gemeng en gerol vir die beste pastei deeg resep tot dusver gevind wat soos volg verloop:

PASTEI DEEG

3 koppies wit broodmeel
3 koppies koekmeel
500gr Stork Bake margarine of botter
5ml kremetart
7.5ml sout

Meng al die droe bestanddele saam in meng skottel of in die bak van n elektriese meng bak.
Rasper die margarine of botter by die meel mengsel en werk die botter met die hande of hak stuk van die menger in, totdat dit lyk soos growwe broodkrummels.

Meng dan die volgende saam:

3 eiergele
60 ml wit asyn
3/4 koppie (190ml) yskoue water

Voeg by die meel en botter mengsel en meng tot hanteerbare deeg. Vir die beste resultate deel die deeg in die helfte en vorm twee dikkerige plat sirkels, bedek met kleef plastiek en laat rus in die yskas vir so 30 min.

Met my twee ywerige rollers en proeers in die rondte begin die lekker samesyn van uitrol dan, meel strooi, sirkels uit druk, tinfoelie bakkies uitvoer met deeg, dit vul met die sorgvuldig gekruide wildsvleis, deeg deksels opsit en die afrond met die druk van vurk tande al op die rand van elke bakkie.

Natuurlik word daar sommer daar en dan n paar in die oond gedruk om te proe en onsself te beloon vir die harde lekker werk!!

Ek en Johan laat mekaar se monde water met die uitdink van vulsels wat ons nog wil probeer met hierdie lekker pastei deeg resep........green pepercorn steak, creamy smoked chicken & leeks en selfs n lekker lams kerrie.

Hoop daar gaan sommer nog vele heerlike pastei maak span pogings wees!

Oom Hennie & Tannie Willene se beskuit resep

Defnitief n bietjie of maak dit sommer baie senuweeagtig.......het ek dit reggekry om my eie blog te begin. Dankie tog aan my meester blogger se mooi praat om dit te probeer....Marna

Dan val ek sommer met die deur in die huis met oom Hennie en tannie Willene se beskuit.

So paar jaar gelede was ons eendag by hulle aan huis en is van hierdie heerlike tuisgebakte beskuit saam met koffie bedien. En soos baie my ken is ek nie skaam om vir pen en papier te vra nie, want die resep moet saam huistoe om sommer more nog gebak te word.

Nou ja na ons amper eers die beskuit blik leeg geeet het, is ons daar weg, ek met resep veilig in my handsak.

Hier volg dit dan:

1 kg koekmeel
8 teelepels (40ml) bakpoeier
2 koppies semels
3 koppies All Bran Flakes met die hand fyngedruk
Handvol sonneblom pitte
En om Marna aan te haal "n rapsie sout" - die mooiste ek nog gehoor het

Meng al die bogenoemde bestanddele in n groot meng skottel,
as jy gelukkig is n mooi ou enamel skottel
Smelt 375gr botter of bak margarine in n groot glasbeker....sommer in die mikrogolf oond

Voeg dan by:
2 koppies suiker
500ml karringmelk
2 eiers
1 koppie sonneblom olie

Meng dit alles goed en voeg dan die hele nat spulletjie by die droe bestandele.
Meng alles goed tot klewerige deeg, deel die mengsel eweredig tussen twee gesmeerde panne en maak dan snytjies in die deeg om dit maklik na die bak slag te sny om uit te droog.

Bak vir ongeveer 45 minute by 180 grade tot mooi goud bruin. Droog by 80 grade vir 4-5 ure. Lewer ongeveer 70 stukkies afhangende van hoe groot jy dit sny.

So n baksel beskuit hou nooit lank in ons huis nie, alhoewel Johan nie eintlik n beskuit eter is nie.......skuldiges moet dan ekself, Angelique en Ilan wees, o ja en as Marna altyd in Desember en Januarie kom kuier help sy ook graag n gat in die blik eet, dis nou na n aand van springbokkies en karoo lam tjoppies