ONS BAK BROOD

Hoe noem Marna haar....."ou Nonna".... Vir die wat haar nie ken nie, n Kenwood menger.

Oulike masjien waarmee mens baie kan doen, meringue styf klits, botter en suiker verroom....ek onthou nog ons week van koekbak by die chef skool....Mev. Prinsloo het ons dit met n hout lepel laat doen.....wonder nou nog of sy chefs met sterker arms die wereld wou instuur en of sy elektrisiteit wou bespaar!?

In elk terug by wat die oulike masjien nog kan doen, dit meng die wonderlikste sagste verleidelikste sjokolade cupcakes, meeste van julle het dit darem sekerlik al geproe.... Indien nie maak n afpsraak vir choc cupcakes en tee.....JY MOET DIT PROE!

Verder kry mens ook allerhande "attachments" vir die masjien soos n maaler, citrus versapper en tot n wors stopper....daaroor sal ek eersdaags blog aangesien ons eie wors wil probeer maak.

Dan kan dit ook knie, brood deeg knie. En dis nou eintlik die hele punt van my storie, ek gebruik dat glad nie vir brood deeg knie, want my geliefste Johan knie altyd vir ons brood deeg!

Hier is sy resep:

+/- 1kg brood meel

10gr of dan 1 koevertjie kits gis

10ml sout

10ml suiker

600ml lou warm water

25ml olyf olie

Die meel, gis, sout en suiker word gemeng in n lekker groot skottel. Gooi die olyf olie by die lou warm water en voeg so twee derdes van die mengsel by die meel mengsel. Johan soek dan altyd n groot tand vurk in my kombuis en moet my slaai opskep vurk gewoonlik die werk doen. Meng dan die meel en water mengsel goed met die vurk tot dat jy sien nou sal jy moet inspring met jou hande.

Soos jy aangaan sal jy nog water by voeg of anders nog n bietjie droe meel. Dan hou jy aan met knie en die mengsel om te werk met jou hande. My ma sê altyd jy moet knie totdat jou hande weer skoon is, en by daardie tyd behoort die mengsel al goed vorm te begin aannneem en kan jy dit uit die skottel keer en op n kombuis oppervlak knie tot n gladde goed deur gekniede bol deeg. As jy saggies met jou vinger teen die deeg druk en dit terug spring is dit reg.

Pappa se ywerige klein helpertjie....en deeg eetertjie!

Sit die bol deeg terug in die meng skottel, maak toe met kleef plastiek en los op n warm plek totdat dit dubbel die oorspronklike grootte gerys het. Jy kan selfs n klein kombersie om die bak sit vir die rys proses. In ons huis is winter n goeie tyd vir baie deeg knie aangesien Ilan se muur verwarmer die perfekte warm plek is vir deeg laat rys.

As dit klaar gerys het begin die pret eers want dan word daar besluit wat ons alles met die deeg gaan maak....gewoonlik n broodjie, potbrood of roosterkoek met n deel van die deeg.

Vir n brood of potbrood moet jy die deeg afknie en vorm en in die broodpan of pot sit. Dan moet jy dit weer op n warm plekkie sit om tot dubbel die grootte te rys voor dit oond of vuur toe kan gaan.

Groot gunsteling, baie pret om te maak en lip lek lekker om te eet is brood wiele met die res van die deeg. Rol deeg in reghoekie vorm en smeer n lekker geurige tamatie pasta oor gevolg met bacon, chorizo of salami, vars sampioene, ontpitte olywe, baie vars kruie en laastens kase, feta en sterk cheddar. Nog n rêrige lekker bestanddeel om op te sit is anchovies, en dis so lekker op die brood wiele dat Johan heeltemal te veel eet en die uit einde n gout aanval in sy groot toon is.

Om op te som is dit basies soos pizza maak met die verskil dat jy dan nou die hele spulletjie op rol soos n rolkoek, in wiele sny, los vir n half uur om effens te rys en dan vir so plus munis 30 min te bak.

En as jy gelukkig genoeg is dat daar nog n handjie vol deeg oorgebly het, spuit n plastiek sakkie met 'Spray n Cook' en bêre in die yskas vir sondag aand se vetkoek bak en eet met regte botter en heuning! 

Ons projekte 2013

Als begin by die gaste badkamer wat vir die afgelope ses jaar dieselfde baadjie aangehad het. Ek onthou hoe Johan net nadat ons hier ingetrek het een nag tot laat besig was met die verf van die mure....ek het nou maar eenmaal n man duisend....nee tien duisend! 

So die badkamer het nuwe lewe gekort, ons het besluit op strepe verf teen die mure, nuwe blinding en die sogenaamde rooi toilet.....As Johan vir Ilan bad en hy vra of Ilan wil uitklim, hoor ek altyd die stemmetjie wat beslis sê: "Pappa sit nog rooi toilet", dan sit Johan maar nog bietjie geduldig op die rooi toilet stoel en wag dat Ilan klaar maak met sy water kaskanades.

   

Groot was die dilemma met Ilan se koms, ons kort n babakamer! Opsies was daar min en studeerkamer moes garage toe skuif waar arme Johan in die winter vrek verkluim van die koue en in die somer vrek skroei van die hitte. 

Die wat Johan goed ken sal wel weet dat winterkoue hom min pla en mens sien hom selde met iets meer as net n hemp..... wil mos alewig Sutherland toe trek waar die temperature mos sommer maklik onder die minus grade rond speel. 

Somer is wel n ander storie en met reeds drie "aircons" in ons huis, is ek bevrees die garage gaan volgende wees.

So nou was dit nog ek wat n sit plekkie gekort het en ek het iets spesifieks ingedagte gehad wat ek my stempel op kon afdruk. So groot was my vreugde toe ons n tydjie gelede in Paarl se Hoof straat ry en ek my tafel sien, dadelik gestop om dit van nader te gaan besigtig, presies wat ek gesoek het en die prys ń skamele R599.00 

Met die tafel styf onder my arm is ons huistoe en het die lekker eers begin.....skrop, skuur, verf, kers was smeer, weer verf en nog n bietjie skuur en krap.....en uiteindelik PERFEK, my eie tafel nessie!

  

   

    

Amper vergeet ek om te vertel dat Johan vir my n spesiale rakkie ingesit het vir my laptop.

Dankie ook aan Jeanette wat n stoel uitgegooi het en toe uitstal stuk in ons tuin geraak het....ons het dit vinnig gaan red van natuur elemente en dit n glans rooi emalje laag verf gegee, want ek het mos n sit ding ook gekort!!

Oor ons volgende projek gaan ek nie veel sê nie, behalwe dat ek verseker is dit by almal mooi herinneringe van hulle kinder jare sal hê, want almal sal hierdie swaaie maar te goed onthou.

Ons het dit vir die eerste keer in ń lang tyd weer raakgeloop by die n coffee shop in Paarl, "Tea Under the Trees", daar sit jy koel in die warm van die Paarl somer, onder die mooiste akkerbome, op die lowerste groen gras met n pragtige tuin. Hulle bedien heerlike kaas en wortelkoek wat jy kan afsluk met tuisgemaakte "rose geranium of lemon cordial".

Goed, genoeg bemarking! Hulle bied dan ook afleiding vir die kleintjies wat aan ma se rokspante vasgegom is in die vorm van hierdie swaaie.

Johan se gesoek het dadelik begin en ek moet bieg ek was nie juis opgewonde toe ek die eerste keer ń foto van dié swaai gesien het nie, maar ek bedank Fanie wat help soek het.

 

En tussen Johan en Elias met Ilan wat toesig gehou het is dit iets wat ek glo enige kind se hart sal laat vinniger klop......Ilan moet die gelukkigste klein seuntjie met die trotste pappa op aarde wees!!

Ek kan nie glo Ilan raak volgende week 2 jaar oud nie, daardie kleine hulpelose babatjie het nou n seuntjie geraak, ons seuntjie! 

Hy maak die hadeda's wat oor die huis vlieg en roep na, hy hardloop om die vliegtuig te gaan kyk wat oorvlieg, dit wriemel sy lyfie van opgewondenheid as hy sy pa se stem hoor, hy sê vir my 'nee' as ek mooi vra dat hy tog vir Mia en Felix in vrede op die bed moet los waar die twee knus lê en slaap,  knyp sy ogies styf toe as Johan tafelgebed doen, hy kies watter pap hy wil eet en vra vir 'nog net een stokkelekker 'blief ma'.

Nou ja so het dit ook dan tyd geraak vir sy eie regte egte groot klein mensie bedjie.

Johan het beplan en beplan, sketse geteken en ons het selfs gaan inloer by Kidz City (peperduur).

So twee weke terug een vrydag middag laat praat ons weer oor die bedjie en Johan sê hy gaan gou Builders Warehouse toe ry, ek dog om sommer planke te gaan meet, rond te kyk en pryse te kry. Toe ek weer sien is Johan terug met n vraggie planke en dit woel en werskaf in die garage.

Nou kom daar baie gedagtes by my op... Goed soos "en een twee drie", "voor jy kan sê mes" en selfs "wham bam thank you mam"...... Dit was so gou soos die bedjie kant en klaar was en Ilan dit uitgetoets het! Dankie pappa! 

Skelmpies dink ek, ek is baie blyer as Ilan oor hierdie bedjie.......het julle al die pak plek onder die bedjie gesien met deksel wat kan oplig soos ń kis......ek het ń wonderlike man!! Hy het homself ook darem so bietjie bederf met die oulike hang plekkies vir sy braai rooster en tange. En pragtige rakke vir my goedjies ek so lief is om te snuffel koop en ook n plekkie moet kry. Dankie pa vir die planke! 

Kan nie wag vir ons volgende projek nie......hoor daar is n klim raam met afgly plank vir Ilan in die pyplyn en ek dink die "water feature" kort n behoorlike upgrade!!

Flapjacks...Crumpets...Pancakes...Plaatkoekies

Almal het hulle eie naam vir die heerlike goedjies wat enige gewone ontbyt sommer baie meer lyf gee.

Die volgende resep gaan julle almal se lewens onherroeplik verander en ek se dit nie omdat ek van beter weet nie.... Alhoewel ek weet...ek se dit omdat ek bloot so entoesiasties is daaroor.

Meng net die volgende bestanddele en hou dit in n mooi glas fles net reg om verder gemeng te word op daardie saterdae en sondag oggende wat almal die vrou van die huis dop hou om met iets indrukwekkends voor n dag te kom.

Al wat dit verg is om van die droe bestanddeel mengsel in n mengbak te skep en eier, melk en gesmelte botter by te klits en 'walaah' .....flapjacks galore!

Vir die flapjack mengsel meng die volgende saam en bêre in n lugdigte houer:

600gr koekmeel
3 x 15ml bakpoeier (my engelse vriende - baking powder)
10ml koeksoda (bicarbonate of soda)
5ml salt
40gr strooisuiker (castor sugar)

Om die beslag en flapjacks uiteindelik in die pan te kry, meng dit soos volg:

1 eier
250ml melk of karringmelk
15ml botter, gesmelt

Saam met 150gr van die flapjack mengsel uit jou koskas

Skep sowat 2 opskeplepels (30ml) op n slag in n warm riffel of gewone non-stick pan en as daar klein borreltjies op die bokant verskyn is dit reg om omgedraai te word, om dit mooi goudbruin aan albei kante te maak. ń Minuut aan elke kant behoort die ding te doen.

Lewer ongeveer 12 flapjacks.

Bedien met crispy bacon, baie maple stroop, dalk n saggebakte eiertjie ook by en groot handvol vars koljander blare om als perfek af te rond.

Moet nou nie dat ek by julle kom en die mengsel is nie in julle koskaste vir "ready, steady, EAT"

Vinger in die Kaaswors

Franki se woorde was "ek sal vir ons kaaswors maak as julle kom kuier vir paasnaweek".

So het die kaaswors storie begin.....met ons kuiertjie in Mosselbaai het ek en Johan die kaas gekoop.

Vleis was nie te koop of in stock nie, net te ruil vir n deel van die kaaswors....baie dankie Schalk Botes.

Heerlike welkome reen het die Karoo aarde verfris vir die twee weke voor paasnaweek en met die reen en donderstorms was daar erge hael en om my pa aan te haal: " sussie, hael so groot soos hoender eiers". Die hael het 18, AGTIEN van die ou plaashuis se klein kombuis vensters flenters geslaan.

Franki en Johan het n redelike tyd van paasnaweek aan die herstel van die vensters bestee.......was omtrent om soos na n RSG radio liefdes drama te luister tussen die twee van hulle....."moenie so hard kap nie", "jy breek alles", "dis vintage vensters" en so het dit aan gegaan.

Dit was net so terloops, terug by die kaaswors. So het die donderstorms dan die krag drade beskadig en was die plaas sonder elektrisiteit van die dinsdag tot die donderdag aand. Alternatiewe koelhou metodes moes gou gevind word en daarvoor bedank ons die bure, Joseph en Ilze Steyn vir die berg van die kaaswors vleis mengsel in hulle koelkamer.

Franki het die kaaswors gemaak toe die krag weer aangekom het en ywerige vuurmakers en stokers, Johan en Steve het gehelp met die rook van die kaaswors.

Dit bring my dan by die naam van die storie, Vinger in die Kaaswors......behoorlik almal het n vinger daarin gehad en die res van ons het gehelp met die proe en eet daarvan! En soos ons Franki ken het elkeen sy regverdige deel van die opbrengs gekry.

O ja en amper vergeet ek om te sê, ekself het die 2kg kaas in half by half sentimeter blokkies gesny, dit was toe ek na die RSG liefdes drama buite die kombuis venster sit en luister het.

Vir enige een wat kaaswors by Franki wil bestel, dit kos R250/kg....net omdat die sny van die kaas n baie lang veeleisende werk is! Of was dit dalk die storie op die radio se skuld.....

Botter Boontjies

Butter beans soos dit op die blikkie staan, so ek is verseker dat my direkte vertaling totaal verkeerd is, maar dit sê so lekker en klink so mooi vir my!

Hierdie is n resep van my "favourite celebrity chef" - JAMIE OLIVER

Wat noem n mens dit nou weer..... Kopie regte voorbehou, geen gedeelte van hierdie boek mag gereproduseer word op enige manier......blablabla......Wel ek sou meer daaraan dink as bemarking. In elk geval is ek verseker Jamie kan nie Afrikaans verstaan of lees nie, so ek deel dit met julle, seker hy sal tog nie omgee nie.

Jy het nodig:

3-4 repies streaky bacon
2 tamaties
1 blikkie butter beans
Olyf olie
Sout en swart pepper
Wit druiwe asyn
Vars Basil blare

Verhit n knertsie olyf olie in n pan.......n Jamie Oliver non-stick pan.
Sny die bacon in blokkies en braai tot bros en goudbruin.

Sny die twee tamaties sommer rofweg op en voeg by die bacon.
Voeg dan ook die hele blikkie butter beans by tesame met die sappe waarmee dit ingele is.

Laat die hele spulletjie oor stadige hitte lekker prut tot meeste van die waterigheid weggekook het.

Geur met sout en varsgemaalde pepper. En gooi n skootjie van elk olyf olie en asyn by.
Net voor opdien roer opgekapte basil blare by.

Hierdie boontjies is heerlik saam met brosgebraaide maalvleis, roosmaryn en growwe sout oondgebakte aartappels in die skil en n kraak slaaitjie.

Mense ek sê vir julle dis verby lekker! En terwyl julle so eet maak sommer n mental note om vir julle Jamie Oliver se 30 Minute Meals kookboek aan te skaf!

Homemade Mayonnaise

Seker een van die lekkerste lekkers is daardie gevoel van iets regkry, iets self maak, iets tuismaak......veral as die eind produk iets is wat gewoonlik op jou "shopping list" is.

So is tuisgemaakte mayonnaise dan vir my.....dit gee daardie gevoel!

Verder lees ek mos nie storie boeke nie, ek lees resepte boeke! En so het ek dan ook al baie mayonnaise resepte raak gelees en almal verskillend maar basies dieselfde....party vra vir heel eiers, ander vir n bietjie droe mosterd of suurlemoen sap.

Myne loop soos volg met net een goue reel....moet nooit ooit eiers uit die yskas wat yskoud is gebruik nie, die mengsel sal nie dik word en emulsifiseer nie, dus gebruik eiers teen kamer temperatuur

Jy het nodig:

2 eiergele
300ml sonneblom of canola olie
n lekker rapsie sout
n draai of twee varsgemaalde swart pepper
3-4 vet knoffel huisies, ekstra fyn gekap of met die knoffel drukker fyn gedruk
20-30ml wit druiwe asyn


Gooi dan al die bestanddele behalwe die olie en asyn in n lekker groterige glas mengbak of beker. En dan sommer met n elektriese handklitser woel jy die spulletjie deurmekaar. Ek hou van prakties wees en dinge vir myself makliker maak, so ek het een van daai tamatie sous squeezy bottels gekoop, maar die deurskynende een met n dun tuit, sommer by Plastics for Africa en in hierdie bottel gooi ek dan die 300 ml olie.

Met die klitser op redelike vinnige spoed in die een hand en die bottel olie in die ander hand, begin dan druppels gewys die olie by die eiermengsel voeg. Jy sal sien dit kry n ligter geel kleur en raak effe dik. Stop die klitser om seker te maak jy is op die regte pad is. Hou so aan tot omtrent n derde van die olie ingemeng is, daarna kan jy die olie in n dun straaltjie by meng.

Die mengsel sal al hoe ligter van kleur raak en dik en amper klonterig wees. As al die olie bygevoeg is, gooi dan die asyn by en die mengsel sal dadelik mooi glad en blink raak. Proe vir nog bietjie sout, peper of asyn en dit moet sommer erg geknoffel wees.

Dit is dan klaar en daai gevoel in my wil uit borrel en oop bars, veral as ek dit dan nog in n mooi glas flessie skep en my handewerk so staan en bekyk.

Hierdie mayonnaise is heerlik saam met huis gebakte "tjips" en onverbeterlik gemeng met saggekookte eiers vir " egg mayo sandwiches".......my bek water!